Миний бие 2020 оны УИХ-ын сонгуулийн 26-р тойрог Баянгол дүүргээс “Та бидний эвсэл”-ээс нэр дэвшихээр боллоо.

МУ-ын 3 дахь Ерөнхийлөгч, МАХН-ын дарга Намбарын ЭНХБАЯР

Түүний талаар: mongoltoli.mn сайт дээр

Н.Энхбаяр 1990-1996 онд Соёлын сайдаар ажиллахдаа соёл, урлагийн салбарын эрх зүйн үндсийг бүрдүүлэхэд гол анхаарлаа төвлөрүүлж, соёлын талаар баримтлах төрийн бодлого, соёлын хуулийг боловсруулах, батлуулахад гол үүрэг гүйцэтгэсэн байна.

1996 оны сонгуулиар МАХН анх удаа парламентын оппозиц байр сууринд шилжсэн үед Н.Энхбаяр МАХН-ын Ерөнхий анрийн бичгийн даргаар сонгогдож, УИХ дахь МАХН-ын бүлгийг толгойлох болжээ. Тэр бээр намыг шинэчлэх, жинхэнэ парламентын нам болгон төлөвшүүлэх, гадаад харилцааг өргөжүүлэх, ялангуяа Социнтернд элсүүлэх талаар багагүй хүчин чармайлт гаргасан юм.

2000 оны сонгуулийн кампанийг чадмаг удирдаж, УИХ-ын сонгуульд МАХН үнэмлэхгүй олонхийн суудал авчээ. Энэ үеэс Н.Энхбаяр Монгол Улсын Засгийн газрын тэргүүнээр томилогдож, тэр хугацаанд улс орны эдийн засгийн сэргэлт, өсөлтийн шинжтэй нааштай өөрчлөлтүүд мэдрэгдэж, үндэсний аж үйлдвэр, тэр дундаа боловсруулах аж үйлдвэрлэх нэлээд үзүүлэлтээр өсч байв. Мөн “Мянганы зам”-ын эхлэлийг тавьж, ОХУ-д төлөх 11,4 тэрбум шилжих рублийн өрийг 93 хувийг нь чөлөөлөөд үлдсэнийг нь бэлэн төлбөр хийж барагдуулах замаар шийдвэрлэхээр тохиролцож, хэрэгжүүлсэн билээ. Түүний толгойлсон Засгийн газар 2003 оны 11 дүгээр сард Улаанбаатар хотноо Ардчилалыг шинээр болон сэргээн тогтоосон орнуудыг V бага хурлыг амжилттай зохион байгуулсан юм.

Н.Энхбаяр 2005-2009 онд Монгол Улсын Ерөнхийлөгчөөр сонгогдон ажиллахдаа Мянганы хөгжлийн зорилтуудад суурилсан “Үндэсний хөгжлийн цогц бодлого”-ыг УИХ-аар батлуулах, түүх, соёлоо эрхэмлэх, 2003 онд хүн төрөлхтний аман болон биет бүс соёлын өвийн шилдэг дээжид Монгол морин хуурын уламжлалт урлагийг, 2005 онд Монгол ардын уртын дууг, 2004 онд Орхоны хөндийн түүх, соёлын дурсгалт газрыг Дэлхийн өвд тус тус бүртгүүлсэн, дэлхий дахинаа тунхаглаж, ЮНЕСКО-гийн батламж хүлээн авсан юм. Түүний үед Монгол Улсын гадаад харилцаа өргөжиж, олон улсын нэр хүнд өссөн байна. (Ж.Болдбаатар)